परभणी : शहरातील ग्रँड कॉर्नर परिसरातील मदनी या नॉनव्हेज हॉटेलला रविवारी (ता.सहा) सकाळी सातच्या सुमारास अचानक लागली. या आगीत हॉटेलचे मोठे नुकसान झाले आहे. दरम्यान, तब्बल दोन तासाच्या अथक प्रयत्नानंतर ही आग आटोक्यात आली. परंतू, तोपर्यत हॉटेल मधील सर्व जळून खाक झाले होते.
शहरातील ग्रॅन्ड कॉर्नर परिसरात मदनी हे नॉनव्हेज हॉटेल आहे. लॉकडाऊनमुळे गेल्या तीन महिण्यापासून हे हॉटेल बंद होते. परंतू, अलीकडे काही दिवसांपूर्वीच जिल्हाधिकाऱ्यांनी हॉटेलमधून पार्सल सुविधा सुरु करण्यासाठी परवानगी दिली होती. त्यामुळे या हॉटेलमध्ये पार्सल सुविधा सुरु करण्यात आली होती. शनिवारी रात्री नेहमीप्रमाणे हे हॉटेल बंद करून हॉटेल मालक घरी गेले होते. परंतू, सकाळीच ही घटना घडली. या हॉटेलमधून रविवारी (ता.सहा) सकाळी मोठा धुर बाहेर येत असल्याचे परिसरातील नागरिकांना दिसले.
हेही वाचा - नांदेड : दयानंद वनंजे यांच्या अर्धवट जळालेल्या मृतदेहाने खळबळ
धुराचे मोठे लोळ
आग आटोक्यात आणण्यासाठी नागरिकांनी प्रयत्न सुरु केले. आग लागल्याचे लक्षात येताच तातडीने नानलपेठ पोलिसांना व अग्निशामक दलास घटनेची माहिती देण्यात आली. पोलिसांनी घटनास्थळी दाखल होत मदतकार्य सुरू केले. त्यापाठोपाठ आलेल्या अग्निशमन दलाच्या जवानांनी आग आटोक्यात आणली. आग लागलेल्या ठिकानावरुन धुराचे मोठे लोळ दुरुन दिसत होते. नागरिकांनी येथे मोठी गर्दी केली होती. अग्निशमन दलाचे दीपक कानडे, सर्जेराव मुंडे, पंढरीनाथ कालानी आदींनी आग आटोक्यात आणण्यासाठी प्रयत्न केले. तब्बल दोन तासाच्या अथक प्रयत्नानंतर हॉटेल ला लागलेली आग आटोक्यात आणण्यात आली. या हॉटेलचे लाखो रुपयांचे नुकसान झाले असल्याचा प्राथमिक अंदाज हॉटेल मालकाने व्यक्त केला आहे.
हेही वाचा - नांदेड - आदिवासी विद्यार्थ्यांची एकलव्य ऑनलाईन परीक्षा रद्द, तर अशी होणार निवड
आगीत संपूर्ण हॉटेल जळून खाक
आग सकाळी लागल्याने हॉटेल बंद होते. त्यामुळे शटर बंद असल्याने आत आग लागल्याचे स्थानिक रहिवाश्यांना उशिरा लक्षात आले. हॉटेलच्या वरून व खिडक्यामधून धुराचे लोट बाहेर पडत असताना नागरिकांच्या आग लागल्याचे लक्षात आले. त्यांनी तातडीने अग्नीशमन दलाला ही माहिती दिली. परंतू तो पर्यंत संपूर्ण हॉटेल जळून खाक झाले
होते.
पोलिस ठाण्यात आगीची नोंद
घटना घडल्यानंतर नानलपेठ पोलिसांनी घटनास्थळाकडे धाव घेवून बचाव कार्य सुरु केले. या प्रकरणी नानलपेठ पोलिसांनी घटनेची नोंद
केली आहे. मांसाहारी शौकिनांसाठी हे हॉटेल अधिक प्रिय होते.
संपादन ः राजन मंगरुळकर
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.